ABŞ-ın Texas ştatında Boka-Çika kəndinin sakinləri amerikalı milyarder, “Tesla” və “SpaceX” şirkətlərinin qurucusu və rəhbəri İlon Maskı kəndlərini məhv etmək ittiham edirlər.

Bu barədə “Daily Mail” xəbər verir.

Bildirilir ki, İlon Mask 2014-cü ildə kiçik Boka-Çika kəndində kosmodrom inşa etmək üçün torpaq sahəsi alıb. Plana görə, obyektə meydan, uçuşa nəzarət mərkəzi, həmçinin Marsa uçuşu planlaşdırılan “Starship” idarə olunan kosmik gəmisinin istehsalı üçün montaj kompleksi daxildir.

2015-ci ildə milyarder tikinti işlərini genişləndirmək üçün kənddə 35 ev alıb. “SpaceX”dən verilən məlumata görə, bunun müqabilində yerli sakinlərə daşınmaz əmlakın bazar dəyərindən üçqat artıq pul təklif edib.

Ancaq ev sahibləri məlumatı təkzib edirlər. Hazırda Boka-Çikada yaşayan 12 sakinin sözlərinə görə, şirkət nəinki evlərinə bazar qiymətindən qat-qat aşağı qiymət təklif edir, həm də müqavilə bağlamaq üçün təzyiq göstərir.

Onlar həmçinin “SpaceX” nümayəndələrinin kosmik gəmilərin buraxılmasının insanlar üçün təhlükəli olduğu barədə sakinləri xəbərdarlıq etdiklərini, ancaq bununla birlikdə, Boka-Çikanı kosmik liman işçiləri üçün yaşayış yerinə çevirdiklərini söyləyiblər.

Ev sahiblərinin sözlərinə görə, Texasda hökumət tərəfindən təsdiqləndiyi və məqbul kompensasiya verildiyi halda fərdi əmlakın özgəninkiləşdirilməsinə imkan verən qanun səbəbindən bir çoxu “SpaceX”in şərtlərini qəbul etmək məcburiyyətindədirlər.

Ştat hökuməti Boka-Çikada kosmodromun inşasını dəstəkləyir, çünki şirkət xeyli yeni iş yeri açır.

By admin

Azerbaijani AZ Turkish TR English EN Russian RU Georgian KA Persian FA German DE Italian IT French FR Arabic AR Chinese (Simplified) ZH-CN Korean KO