XXVI 111. «Dıvo bıkə Bəy, ha Spitama…
- Bəy qırbon vardışe,
Suvari Zarivari.
Çı Dati ovon
Kənoədə, navədə
Sa ayğır bırnişe, həzo zandəqo,
Pəson hisob ni,
Çəvon xunon dəruyəyn bənə ovyəzi.
- Diyə jıqo,
Əv votışe bə Ərdvi:
«Xəymandə Ərdvi Surə,
Jıqo ovan bıdə bəmı –
Bə divon ehtirom bıkə,
Koqtisti cani –
Humayaki bıkştom az.
Həm çəy boə,
Duyəvojə Arəcataspanı
Bo xəy canqədə
Məğlub karde zıbndəni mıni».
- Bəy jıqo qılə ovand
Doşe ki, Ərdvi Surə:
Hejo bə kəsi doydə –
Kiy ki həğiği icro kardə,
Ovand doə ayini».
Dıvo kardəm Bəy –
Bo xoşbəxtətəti…
XXVII 115«Dıvo bıkə Bəy, ha Spitama…
- Bəy qırbon vardışe,
Arəcataşpani boə –
Zolim Vandarmaniş.
Çı Vorukəşi dıyo
Kənoədə, navədə
Sa ayğır bırnişe, həzo zandəqo,
Pəson hisob ni,
Çəvon xunon dəruyəyn bənə ovyəzi.
- Diyə jıqo,
Əv votışe bə Ərdvi:
«Xəymandə Ərdvi Surə,
Jıqo ovan bıdə bəmı –
Ğudrətinə Vistaspani,
(deəy Zarivarini)
Çı Ariyə ordu
Bıdə sa ıştə canqəvonon,
Həlok kardıme, kıştıme
De penco zərbə.
Bıdə həzokəsi bıkıştom,
De sa zərbə .
Da həzokəsi bıkıştom,
De həzo zərbə.
Behisobi bıkıştom,
De da həzo zərbə».
- Əncəx jıqo qılə ovnd
Nıdoşe bə Ərdvi Surə».
Dıvo kardıme Bəy –
Bo xoşbəxtəti…
XXVIII 119. «Dıvo bıkə Bəy, ha Spitama…
- Ço ayğır ofəyəşe –
Ahura Mazda:
Ə aspon Voşin,
Ə aspon Kulyok.
Ə aspon Tağarz,
Ə aspon Avə.
Əvon daima bəy
Nəm ekardə, ha Spitama,
Peşomedən de şehi əy
Beaşmard, behisob ğədər.
Bəy voə peşandeydən,
Tağarz peşandeydən».
- Dıvo kardeydəm–
Bə Hukarya bandon.
Telıku iyən şohrətin,
Rostbeycən vey bə barzi,
De həzo şun bolo ğədər.
Konqılə ki çəyo dəruyeydən –
Xəymandə Ərdvi Surə.
Emeydə bə zəmini dimi
Əv bə dast poçəye deştə zuy.
Həmmə ın ovon ğədər
Əv, xoşbəxtəti vardeydə».
Dıvo kardeydəm Bəy –
Bo xoşbəxtəti…
XXIX 122. «Dıvo bıkə Bəy, ha Spitama…
- Telıkuçəy dimi,
Qəte-qəte mandə pəşi qətedə –
Xəymandə Ərvi Surə.
Həğiği bo dıvo –
De ın fiki şıneydə:
- «Ki mıni məhşur bəka?
Ki bəmı dıvo bəka? –
Ayin icr kardeədə.
Mığəddəs iyən pok,
Şıtinə haomani az,
Bıdəm bəki?
Bıdəm ki, sədoğətin,
Bıdəm ki, sadiğ bıbo –
D e xəymandədti,
De zuy, de sofəti».
Dıvo kardeydəm Bəy –
Bo xoşbəxtəti…
XXX 125. «Dıvo bıkə Bəy, ha Spitama…
- Şiyəy Ərdvi Sürə:
Rəvoşin, reçinə qız.
Əv, mohtəşəm ğamətin,
Barz iyən əzəmətin,
Vıriskəyn iyən əsılzodə,
Tani, dastəvonon
Dutəbıə de ğızılə toği.
- Oməybən de barsmani çuy,
Telıku, çokıncinə deştə Quşivonku sinə jəydə.
Həmən ğəşənqə qiyku –
Ehaştə məonı.
İncə bıə Ərdvi,
Okıriyə ıştə kəməri.
Çəy sinə rost bıbo,
Tarım dəkıryero.