Omə de barsmani vezi,
Ğızılo, çokıncinə
Pekırniyedə deştə quşovon.
Həmən ğəşənqə qiyoku –
Ehaştəşe ıştə məəon.
İncə bıə Ərdvi,
Dəkırniyə ıştə ğəyşi.
Çəy sinə bəşto,
Dəkır dəkıriyo votə.
- Noşe ıştə toc –
Rəvoşinə Ərdvi Surə.
Saastovəynə, ğızıliku
Bə ərəbə oxşedə əv.
Həmmə çəy həşt hissə,
De bəzək jəbıə lenti,
Qıləən de ğəşənqə həlğə.
- De qundizi dəqətəbıə
Tankardəşe Ərdvi Surə.
Çokərə bala zandə –
Se sa qunduzi pusto.
Xəzi sıraf bıə zəmon –
Hozo kardəbıə jıqo ki,
Diyəbıkə jıqo vində bıbo,
Əv edobıə de ğızıli,
Əv edobıə de nığə».
- Esə lutfən, ha ğudrətin,
Xəymandə Ərdvi Surə.
Jıqo ovand bıdə bəmı –
Ha piyəynə, detı
Sahib bıbom bolə hardemoni,
Həmən zandə aspon.
Sahib bıbom nəğmon –
Handə təkəron,
De vazilə jə ğırmancon.
Sahib bıbom bə anboon.
Əyo bo bolə jimoniro
Har itiyot qırdə bıbo.
- Esə lde lutfi, ha ğudrətin,
Xəymandə Ərdvi Surə.
De cəsur bıdə bəmı.
Qıləy de dı lınqi –
De cəsorəti canq bıkə,
Ə, hərbi ərəbə
De məharəti, de ağli
İdorə karde bızıno.
Ə qılə de ço lınqi,
Bıdə deşmeni ləşğqəri
Bınə bə dı tərəfə –
Həm çəp, həm rostə tərəf,
Həm rost, həm çəpəsol tərəf.
Xanlar Həmid
şair, dramaturq, azərboycon
ənıvışton ibemoni uzv
Tırkə zıvono peqordınişe
İradə Məlikova