Tolışiş, moə zıvoni zındəniş,
Tolışiş, bə sərzəmin şeydəniş.
Iştə nomi, nəsli viro bekardəş,
Bəştə xosə yurdi po noydəniş,
Deştə xosə nomi bıji, ha Tolış.
Tı Mirhəsən, tı Kərimiş, tı Həziş,
Zıvononsə ğədim, xəlğonsə aziz,
Tı Vazəruş, barzə bandiş, ha Tolış.
Tı kiyəsəş, Tı Ləvənqiş, Tı Pıloş,
Tı Ğədimiş, Tı ğəşənğiş, ha Tolış.
Ğədimo Kadusiş, jiyo Kaspiş,
Heste har vırədə, Məholi sipriş.
Zıvoni nızınoş bızın ki qinbiş,
Tı Namusiş,Tı ğıryətiş,Tı Kıloş,
Bıhaşt, bıdə zıvon bıjyo, ha Tolış.
Yolə bandonku qılə Səvolon bıə,
Vəkko, Kəkoylə bə lon bıə.
Tolışi bandon Yolə band canqəlon bıə,
Tı Kamərkuş, Kinə yurdiş, ha Tolış.
Səyvononən şor be, hi be,
Anqivinən bənə si be.
Murğutuşən həni ni be,
Qədə-qədə qin bedəş, ha Tolış.
Bətı matim, Bətı həyron,
Yolisə yolin ıştı bandon.
Əmənimon ıştı avloon,
Tı Midiyəş, Atropatiş, ha Tolış.
Bızanq jəydə hıcum kardə za,
Kırde, Tate, Zazay çəmə boə.
Bızıno bəpe, hovə, bıyə, zoə,
Umut bəştə əğılon, ha Tolış
Huseyn Tolış
Lankon, Mamusta