XVII
- 67. Ehtirm nişo doydəmon,
Əmə har zəmon bə Mitrə..
Romeydə ıştə ərəbə
Vey bılındə təkəronı.
Əv pərəy bə bandon –
Şərğə tərəfiku.
97 Reçinə karşvaron səpeyku,
İşiğinə Hvanirata səpeyku,
Həm çı Mazda doə səodət,
Həmən ğalibiyyət
Şeydə çəy paliyo.
- Deyəvon ərəbə
Roomeydə barzbıə Aşi,
Bə Mazda ehtirom
Nişo doə Vera –
Noydə roy əsosi.
İşığin, viriskidoə,
Sipi iyən şəfəğ viriskiyə,
Koqılə ki çəvon
Soqnə ne.
Osmonon şapərə aspon
Cəlb kardə çı osmoni
Qeşətiədə əy,
Əncəx Ğələbə yazati
Vadoydə bə diyəro əy.
Konqılə ki tarseydən bəyku –
Həmmə bə ağl omə divon,
İyən qınokorə duyəvijon
- «Əvonin bəçəmə səpe,
Ğəzəbnokə hakimon ğeyzi,
Konqılə ki de həzoyə zərbə
Jəydə bə dışmenon.
Konqılə ki çəşonı behisob,
Ğudrətin iyən bə nav bardə,
Həmən çı duy fovğədə!»
Dıvo kardm az –
Bo xoşbəxtəti…
XVIII
- Ehtirm nişo doydəmon,
Əmə har zəmon bə Mitrə..
Pəreydə çəy navədə
Vərtrahna –
Çı Ahura ofəyə,
Ğəddor Qabani surətədə,
Hərisə, de tijə dandonon,
Tij, de kopəkə dondonon
Rınə bıə qıniyə.
Ğuduz, dastnırəsə,
Ğeyzin, dimiş aləbəzək.
Çiyiy ki metalikuy
Lıınqon,
Metalikuy çəy dum,
Metalikuy çəy çonə.
- Konqılə ki hıcum kadeədə
O vaşteydə de surəti,
Məhv karde de şucaəti
Dışmen bıəy dərhol.
Detobə esə şıneydəni
Əv arştəşe çikiysə
Peştəməğış,
Çı jimoni posnə,
Çı jimoni çəşmə,
Dışmeni de haste ne.
72 . Bə ikərə pıtıpoə kardə,
Əv muyoon, aston.
De bumi bəyəndı jəydə,
Iştə xuni, beyni duyəvojın.
Dıvo kardəmon əmə –
Bo xoşbəxtəti…
Xanlar Həmid
Şair, dramaturq, azərboycon
ənıvıtonibomeni uzv
Tırkə zıvono peqordnişe
İradə Məlikova