91. Sə enovnəmon bə Mitra –
Çikiy ki çimənqo qeşe,
Çikiy ki, həzo quş hestışe,
Çikiy ki şəşonı behisob.
Bəle tı,
Layiğ bəbeş,
Bə dıvo iyən bə tarifi,
Şuon kəonədə,
Ha Mitrə,
Bıdə xoşbəxtəti bıbo,
Bə şu ki,
Bətı ehtirom kardə,
Pebəqəte ezımi iyən barsmani,
Pebəqəte şəti de həvənqdastə,
De şıştə daston
Bəşışte həvənqiyən, çəy miçəən.
Həm bəmole barsmaı,
Həm haomə rost bəka
Bəhande «Ahuna Varyə»
- Təqdir kardışe ın dini
Ofəyəmon Ahura Mazdə,
De xəymandə Fiki irodə
İyən de həğiğəti,
Konqılə ki ən çoke
De hakimiyyəti,
Ha Konqılə ki Arzu bıə.
De Mığəddəsə Mominəti
İyən de bıtovəti, de nımarde-
Konqılə ki əy vıjnişone.
Nımardə Mığəddəson
Vıjnişone ın Dini.
Ofəyəmon Ahurə Mazdə
Xılos kardə bə Mitrə,
Hıkmdorəti doşe,
Həmmə dınyo səpe.
Nımardə Mığəddəson
Tındədə vindəşe, ha Mitrə
Coninon hakimi,
Coninon hıkmdori.
Tı tənzim kardəş Dini,
Tı ofəyəmonədə ən çok.
- In dı dınyoədə
Tı noğo bıdə əməni,
MitrəKonqılə ki ıştı
Çimənqo qeşe.
Həm ınm coninə dınyoədə,
Həm ə ruhi dınyoədə,
Noğo bıdə saxtə Mardeyku,
Noğo bıdə saxtə Ğəzəbiku,
Noğo bıdə duyəvujon
dışmənə orduku.
Rostbıə xunin,
Tarsonə baydəğonı.
Noğo bıdə Ğəzəbi hucumiku,
Noğo bıdə coni
Ğəzəbi təğibiku,
Noğo bıdə divonku bıə,
Puçətiku, faniətiku.
- Bəmə bıdə, ha Mitrə,
Iştın ki çimənqo qeşe.
Təlim bıdə çəmə zu,
Xəşəti bıdə bəmə.
Dışmenon diyəroku
Vindey səriştə bıdə.
Ğalib ome bızınəmon əmə,
Bə dışmeni de qılə zərbə.
Həmmə bəmə dust nıbıə
Dışmenəti kardəkəson,
Həmən bə har qılə dışmeni.
Dıvo kardəm az –
Bo xoşbəxtəti
Xanlar Həmid
Şair, dramaturq, azərboyconi
ənıvışton uzv
tırkə zıvono peqordınişe
İradə Məlikova