Çiçkardəm co zıvoni?
Demı tolışi qəp bıjən!
Az baham ıştı coni-
Bomı tolışi qəp bıjən!!!
Co məholədəm, ğəribim,
Az, Mardim iyən bəji bim!
Dılim dəjedə, ğəmqinim-
Demı tolışi qəp bıjən!!!
Bə vir vardəm məktəbi ro,
Məktəbi vədə kavyə do,
Ha, dıli dust, şinə həmro-
Demı tolışi qəp bıjən!!!
Vankardedəm har ruj Xıdo!
Hanədə, vindedəm Dodo!
İ ruj bəkam bə Vətəni ro-
Demı tolışi qəp bıjən!!!
İzzət Tolış boy ğəm məkəş!
Dıliku beməkə otəş!
Tı bə Dınyo Tolış oməş!
Demı tolışi qəp bıjən!!!
İzzətəli İsmayılov
Masalli, Ğızılavo