İsa qətə beydə
İsa ımoni vote bəpeştə Deştə şo‑
qirdon bə ivırə beşin de Kedron
ləpəki ovaştin bə tərəf. Əyo qıləy boğ
hestbe. İsa iyən Çəy şoqirdon dəşin əyo.
Bəy xəyonət kardə Yəhudən ıvrəy zıney‑
dəbe, çumçıko İsa Deştə şoqirdon rə‑rə
əyo qırdə beydəbe. De jıqo, Yəhudə pe‑
qətışe i hənq sərboz çe sər kahinon iyən
fəriseyon vığandə kali mıhofizəkon, çəvon
dastonədə çoon, vəşəposon, iyən avjoron
oməyn əyo. İsa zıneydəbe çiç bo me bəçəy
sə, əve beşe bənav iyən parsəy çəvonku:
«Bo ki nəveydon?» Əvon cəvob doşone
Bəy: «Bo Nazaretıjə İsa». İsa «Əv Azim»
votışe bəvon. Bəy xəyonət kardə Yəhudən
deyəvonbe. İsa bəvon «Əv Azim» voteədə
əvon okıriyəyn bə dumo eçıkəyn bə zəmin.
Bəvədə İsa ijən parsəy çəvonku: «Bo ki
nəveydon?» Əvonən «bo Nazaretıjə İsa»
votışone. İsa cəvob doşe: «Votıme bəş‑
mə ki, Əv Azim. Qirəm Bomı nəveydon,
Çımı tono bıəkəson vadən bıdə bışun».
İsa əve jıqo kardışe ki, Çəy votə sıxan bə
vırə bırəsı «Iştı Bəmı doə odəmonədə hiç
qıləyni qin nıkardıme». Simon Peteriku
şımşi hestbe. Bekırnişe əv jəşe bırnişe sər
kahini ğuli rostə quş. Ə ğuli nom Məlik‑
- Bəvədə İsa votışe bə Peteri: «Bınə
şımşi bə ğəmənə! Çe Pıə Bəmı doə əzobi
piyolə penoşımım?»
De jıqo, sərhəzo de hənqi iyən Yəhudi
rəhbəron mıhofizəkon qətışone İsa, də‑
bastışone Çəy daston. Sıftə bardışone
Əv Hanani tono, çumçıko Hanan həmonə
so ri sər kahin bıə Kayafa həsuyəbe. Im
həmonə Kayafabe ki, bə Yəhudi rəhbəron
jıqo məslohat doəşbe «qıləy Odəmi bo xəlği
mardey çoke».
Peteri iminə həşə
Simon Peter iyən co qıləy şoqird
şeydəbin çe İsa dumo. Sər kahin ə qılə
şoqirdi zıneyro əv de İsa bə ico dəşe
bə sər kahini so. Peter isə pemandə‑
be bentonədə kəybə tono. Bəvədə sər
kahini zınə ım şoqird beşe bə benton,
qəp jəşe de kəybəvonə kinə iyən dənoşe
Peter bə dıləton. Bı arədə kəybəvonə
kinə parsəy Peteriku: «Nekniki tınən
çı Odəmi şoqirdonədəş?» Əy isə «xəyr,
nim» votışe. Sard beyro ğulon iyən
mıhofizəkon kiyandu sənoəşonbe əyo,
mandəbin çəy qırdo ıştəni tospıneydə‑
bin. Peterən mandəbe çəvon tono ıştəni
tospıneydəbe.
Sər kahini təyğat
Bəvədə sər kahin İsaku Çəy şoqirdon
iyən təlimi barədə parsəy. İsa cəvob doşe
bəy: «Az oşko votəme bə dınyo, çe Yəhu‑
diyon həmməy qırdə bıə sinaqoqonədə iyən
məbədədə hejo təlim omuteydəbim, hiçiy
niyoni votəmni. Boçi parseydəş Çımıku?
Bıpars Çımı votəyon məsə odəmonku. Oxo
əvon zıneydən çiç votəme». İsa ın sıxanon
voteədə əyo pemandə mıhofizəkon qıləyni
«Jıqo cəvob doydəş bə sər kahini?» votışe,
Bəy silli jəşe. İsa cəvob doşe Bəy: «Qi‑
rəm nohəx votımebu, sıbut bıkə çəy nohəx
bey. Qirəm rosti votımebu, bəvədə boçi
jəydəş Mıni?» Ha na ni vığandışe Əv das‑
ton dəbastə holədə sər kahin Kayafa tono.
Peteri dıminə iyən seminə həşə
Simon Peter pemandəbe bentono ıştəni
tospıneydəbe. Parsəyn çəyku: «Nekniki
tınən Çəy şoqirdonədəş?» Əy bə həşə jə‑
şe «xəyr, nim» cəvob doşe. Sər kahini
ğulon qıləyni, Peteri jə quşi bırniyə odə‑
mi avlodbe. Həmonə ğul parsəy Peteriku:
«Az tıni Deəy boğədə ivırədə nıvindıme
məqəm?» Peteri ijən bə həşə jəşe. Hejo
bəvədə suki handışe.İsa vali Pilati təyğatədə
Çəyo Yəhudi rəhbəron bekardışone
İsa çe Kayafa tono bardışone bə vali sə‑
ray. Ruj obeydəbe. Əmma əvon ıştən də‑
şeydənıbin bə vali səray ki, mırdol nıbun
iyən Pasxə xo rəki harde bızının. Əve
Pilat beşe bə benton, çəvon tono votışe:
«Im Odəmi de çiçi ittıhom kardeydon?»
Əvon cəvob doşo ne bə Pilati: «Qirəm
ım Odəm cinoyətkor nəbəy, əmə Əy bətı
təslim nəkeymon». Pilati votışe bəvon:
«Peqətən şımə bəştə Ğanuni mıvofiğ Əy
mıhokimə bıkən». Yəhudi rəhbəron vo‑
tışone bə Pilati: «Çəmə ixtiyor rəseydəni
bo odəm kışte hıkm bekəmon». Im əve
be ki, İsa ıştə çoknə marde barədə işorə
doə sıxan bə vırə bırəsı.
Pilat ijən dəşe bə vali səray, sədo kardı‑
şe İsa, votışe Bəy: «Çe Yəhudiyon Podşo
Tıniş?» İsa cəvob doşe: «Tı ımi ıştəku
voteydəş, yaan co kəson Çımı barədə qəp
jəşone botı?» Pilati votışe: «Bəqəm Az
Yəhudim? Iştı milləti iyən sər kahinon Tıni
təslim kardışone Bəmı. Bıvot, çiçı kardə?»
İsa cəvob doşe: «Çımı Podşoəti bı dınyo
aid niy. Qirəm Çımı podşoəti bı dınyo aid
bəbəy, Çımı xıdmətəvonon canq əkəyn
Mıni bə Yəhudi rəhbəron nahaştin təslim
karde, əmma esət Çımı Podşoəti bı dınyo
aid niy». Pila ti votışe bəy: «De jıqo, Tı
Podşoş?» İsa cəvob doşe: «Tı voteydəş ki,
Az Podşom. Az həğiğəti barədə şəhodət
kardeyro moəo bim iyən bə dınyo oməym.
Bə həğiğəti aid bıə har kəs Çımı sədo bə‑
məse». Pilati votışe Bəy: «Həğiğət çiçe?»
Imi vote bəpeştə ijən beşe şe çe Yəhu‑
diyon tono votışe bəvon: «Az Bəyku hiç
qıləy taxsır vindeydənim. Oxo şıməku
qıləy adəte ki, Pasxə vaxti az boşmə qıləy
odəmi ozod kardeydəm. Esə piyeydone,
Yəhudiyon Podşo boşmə ozod bıkəm?»
Əvon ijən zikkə jəşone, jıqo cəvob do‑
şone: «Im odəmi ne, Barabba ozod bıkə!»
Barabba isə ğuldurbe.
İsa bə marde məhkum kardə beydə
Bəvədə Pilati əmr kardışe de ğırmo‑
ci bıjənın İsa. Sərbozonən teğono
qıləy tac boftışone, noşone Bəçəy sə iyən
tınd sıə xələt şodoşone Çəy amonsə. Əvon
oməyn çe İsa tono «Çe Yəhudiyon Podşo
səğ bıbu!» voteydəbin iyən silli jəydə‑
bin Bəy. Pilat ijən beşe bə benton, votışe
bə Yəhudiyon: «Imha, Əy vardeydəm bə
benton şımə to no ki, şımə bıznən ki, az
Bəyku qıləy taxsır nıvindıme». Bəvədə
İsa sədə teğə tac, tanədə tınd sıə xələt beşe
bə benton. Pilati votışe bəvon: «Imeha, ım
Odəm!» Sər kahinon iyən xıdmətəvonon
Əy vindeədə zikkə jəşone: «Bə çomex
bıkəş, Bə ço mex bıkəş!» Pila ti votışe bə‑
von: «Peqətən ıştən Əy bə ço mex bıkəşən,
çumçıko az Bəyku qıləy taxsır vindey‑
dənim». Yəhudiyon cəvob doşone bəy:
«Çəmə Ğanun heste, bəçəmə Ğanuni qorə
Əv mardənine, çumçıko Iştəni Xıdo Zoə
hisob kardeydə».
Pilat ın sıxani məseədə həniyən vey
tarsəy. İjən dəşe bə vali səray parsəy İsa‑
ku: «Tı çıkonco oməş?» Əmma İsa cəvob
nıdoşe bəy. Pilati votışe Bəy: «Bəmı
cəvob doydənış? Zıneydəniş ki, Çımı hestı‑
me səlohiyət Tıni bo ozod kardey, yaan
bə çomex kəşey?» İsa cəvob doşe bəy:
«Qirəm bətı osmono doə nəbəy, Iştı Çımı
səpe hiç qılə səlohiyət nəbi. Bı səbəb Mıni
bətı təslim kardəkəsi qıno həniyən yole».
Çımi bəpeştə Pilat dastpoçə be Bəçəy
ozod kardeyro, əmma Yəhudiyon zikkə
jəşone votışone: «Şayət tı ım Odəmi ozod
bıkoş, ğeysəri dust niş. Ki ıştəni podşo elon
kardeydəbu, bə ğeysəri vəynə beşeydə».
Pilat ın sıxani məseədə bardışe İsa bə
benton iyən nışte Sığə epoədə bıə hıkmi
kursisə, bı vırəy ibrani zıvonədə Qabba‑
ta voteydəbin. Bo Pasxə Hozıəti rujbe.
Təxminən saat donzəbe. Pilati votışe bə
Yəhudiyon «Ime şımə Podşo!» Əmma
əvon «Ne, rədd bıbu, rədd bıbu! Bə ço‑
mex bıkəş Əy!» zikkə jəy‑jəy voteydəbin.
Pilat parsəy çəvonku: «Şımə Podşo bə ço‑
mex bıkəşım?» Sər kahinon cəvob doşo ne:
«Çəmə nimone ğərəyz ğeysəri co podşo!»
Bəvədə Pilaati bə çomex kəşeyro təslim
kardışe İsa bəvon. Sərbozon peqətışone
İsa bardışone.
Məzmur 12
1Ya Rəbb, yardım bıkə bəmə, mominə inson mandəni,
Bəşəri fərzəndon arədə orəxə bəfoynon.
2Har kəs bə co kəsi du voteydə,
Qəvış du voteydə, dıdiməti kardeydə.
3Bıdə Rəbb du qəp jə har qəvi vi bıkə,
Hər lovğə zıvoni bıbırno!
4Əvon voteydən ki, əmə deştə zıvoni bə zəfə bərəseon.
In qəv çəməkusə, ki bəmə əğəti karde bızıne?
5Rəbb votedə: «Esə bəştem,
Çumçıko bə fəğiron zılm kardə beydə,
Məzlumon nolə kəştən, perəxe pidə.
Az ımi bədom bəvon».
6Çı Rəbbi kəlomon pokin,
Kurədə ov kardəbıə, haft kərə təmizkardəbıə bənə nığəye.
7Tı, ya Rəbb, noğobıdə əvon,
In nəsiliku əvoni har qıləyni əbədiyən hifz bıkə.
8Bəşəri fərzəndon arədə nomərdəti ziyod beədə
Har tərəfədə bevəciyon bənəven.
Məzmur 13
1Ya Rəbb, debə kəynə,
Yaanki əbədiyən viro(yodo) bebakaş mıni?
Debə kəynə ıştə dimi niyo bəkaş mıku?
2 Debə kəynə ğəmqin bəbe çımı dıl?
Şımə dılədə har rujım ğubar bəmande?
Debə kəynə barz bəbe çımı deşmen?
3Diyəbıkə bəmı, cəvob bıdə, ha çımı Xıdo Rəbb!
Bəçımı şəşi nur bıdə ki, nışum bə əcəli han.
4Bıdə çımı deşmenon nıvoton «ebardıme əy»,
Az pevışkieəədə şo-şo nıkon.
5Bəştı mehibbəti peştıpurim,
Deştı perexomoni şo bəbe çımı dıl.
6Bə Rəbbi bəhandem ıştə ilahi nəğmə,
Çmçıko comərdəti kardışe bəmı.
Məzmur 14
1Ya Rəbb, ışı çodoədə ki bəmande?
Bəştı mığəddəsə bandədə ki səəco bəbe?
2De komilləti roy şəkəs,
Əməlisaleh bıə,
Dıliku həğiğəti votəkəs,
3Bəçəy zıvoni bıhton nıomə,
Bəştə dusti yəmonəti nıkardə,
Iştə hamusiyə təhğir nıkradə,
4Bə şərəfsi xor diyəkə,
Bə Rəbbiku tarsəkəson hurmət bıkə,
Bəçəy zərəri bıboən, ıştə ğssəmiku bə dumo nıqardə,
5De sələmi pul nıdoə,
Be təğsiri əleyh bo ko kardey rışvə nısənə.
Əslo penıvışkiyə jıqo jimon jiyə inson!
Azərbojcon, Rus, İngilisə zıvono
Tərcumə kardışe İradə Məlikova
(hestışe idomə)