XIV
- Ehtirom nişo doydəmon,
Əmə har zəmon bə Mitrə –
Konqılə ki bə şohrəti loyiğ,
Reçin iyən bə hurməti loyiğ.
Bıpiyo xəymand,
Varidot baxşə…
… Bəxşiş doə –
Konqılə ki çəy çəşon behisob,
Ğudrətin iyən navədə şə,
Konqılə ki əvotni du.
Dıvo kardəm az –
Bo xoşbəxtəti…
XV
- Ehtirom nişo doydəmon,
Əmə har zəmon bə Mitrə…
Əv, bə səpo bıə, nıhıtə,
Əv, har çiyı vində, cəsur.
De diğğətinə dıvon
Ovon idorə kardə,
Rəson idorə kardə.
Əv, riz okardə
De məhorəti, ağıli.
Əv, duy fovqədə,
Əy ofəyə Ahura Mazda.
- Ə kəson ki ıştə sıxai əqətni,
Bəvon zu iyən ğıvvət ədəni.
Xoşbəxtəti ədəni bə duyəvıjon,
Mıkafot ədəni bəvon.
- Kəynə ğeyzin beydəş:
Çı kəşon zuy,
Çəy lınqon vindemoni,
Çəy kəşon nuri,
Şəy quşi məseyı
Tı bəvonku səydəş…
13 Dıvo kardeydəm az –
Bo xoşbəxtəti…
XVI
Ehtirom nişo doydəmon,
Əmə har zəmon bə Mitrə…
Çəy ruhi bo Vera
Reçin, dırozə mıddəti
Yolə dəyəğe,
Bardeydə Vera xıyzoni
Həmmə haft karşvara.
- Surətinku surətin,
Çokon ən çoki,
Curətonku curətin,
Cəsuronku ən cəsuri..
Tərəğği iyən bolləti doə,
Həyvonon baxşə,
Zoon baxşə,
Həğiğəti sahib bıə
Çokə jimon doə.
- 66. İ vırədəy deyəvon
Reçin Aşi iyən Sərvət.
Surətinə arabaədə
Deəy cəsurə əron,
Hvarni kavion,
Daimə hıkmran təki.
Həm Ğələbə yazatı
Həm pok fravaşion.
Ə kəs kiy ki deyəvoone,
Əv, de əməli salehone…
Dıvo kardeydm az –
Bo xoşbəxtəti…
Xanlar Həmid
Şair, dramaturq, azərboycon
ənıvışton ibemoni uzv
Tırkə zıvono peqordınişe
İradə Məlikova