XIX
- Ehtirom nişo doydəmon,
Əmə har zəmon bə Mitra…
Kiy ki şo beydə rəy-rə,
Rost kardə ıştə daston
Bə ofəyəy–
Bə Ahura Mazda,
Jıqo voteydə:
«Ha Mığəddəsə Ruh,
Tıniş Ofəyəy
Xəymand, coninə dınyo!
- Kəynə ki inonon
De vanq karde çımı nomi,
Dıvon bıhandon.
Çoknə ki dıvo kardeydən
de dıvon,
Əvon çı co Xıdo
De vanq kardey nomi.
Həğiğətən, az–
Əməlisoleh bıə,
Eşim bə insonon tono,
Mıəyyən bə i mıddəti,
Deştə nımardə jimoni».
- Noğodəmon ıştə məskəni,
Iştə məskəni tərk nıkəmon,
Iştə kəon tərk nıkəmon,
Iştə rişə tərk nıkəmon,
Tərk nıkəmon ıştə xəlği,
Həmmy noğodəmon,
Deştə zuninə kəşonı –
Bəmə dust nıbıəyonku.
- Dışmen bıə deşmenon
bə ədavəti
Tı jəydəş zərbə
Mitra.
Bırıjını xəymandon
ğatilonı,
Ha, Tı – konqılə ki
Aspon mehribon,
Vey ğəşəngə ərəbə,
Zuninə koməq kardəş
Vanq kardeədə tıni kəynə.
- Tıni
Vanqq kardeydəm bə koməq,
Boy bəmə tı bə koməq.
Baxşə bıə de baxşon,
Bol-bol icro kardə bıə
Rozi dənoə de ayinon.
Bə vey dırozə mıddəti
Vırəbəvırə bıbəmon əmə –
Xəymandə məskənədə.
- Noğo doydəş ə elkə –
Konco ehtirom
Nişo doydən bətı, Mitra –
Çiki ki çimnqo qeşe
Rjneydəş ə elkə
Konqılə ki itoət əkəni
bətı, Mitra.
Tıni sədo kardeydəm bə koməq,
Bıdə boy bəmə bə koməq
Ğudrətin,
Təslim nıbıə ğıvvətin,
Bə tarif loyiğ bıə,
Yolə elkon sohib,
Bə tarifon loyiğə Mitra.
Dıvo kardəm az –
Bo xoşbəxtəti…
Xanlar Həmid
Şair, dramaurq, azərboycon
ənıvıştonibemoni uzv
Tırkə zıvono peqordınişe
İradə Məlikova