Ser immuniteti zunun kardə, de viroson mıborizə bardə, tənəffus sistemi noğo bıdə mivə hisob kardə beydə. Bo orqanizm vey foydəyn bıə de lifon zənqine. Xunədə çokiyən bevəcə xolesterini səviyyə bə nizom vardə. Kəmi iyən ciqon fəoliyyəti ve çok təsir kardə.
Seri livonku hazo kardə bıə çay sipyəciqə, qəv iyən ruyə xərçənqi navi səyro oko doə bəbe. In mivə ondomədə toksinon kəno kardə həmən kəmonən təmiz kardə.
Sevda Baxşiyeva
Lik, Qunəşli