Lənkəran-Astara regionu təhsilində Cənub Hazırlıq Mərkəzindən tarixi addım!
Azərbaycanın möhtəşəm Zəfər Günü – 8 Noyabr münasibətilə Lənkəran-Astara regionunun dörd rayonundan seçilmiş istedadlı şagirdlər üçün Lənkəran Mədəniyyət Mərkəzində böyük, ruhlandırıcı və qürurverici tədbir keçirilib. “Qarabağa Qayıdış” proqramı çərçivəsində Lənkəran, Astara, Lerik və Masallıdan 138 şagird xüsusi mükafatlarla təltif olunub.
Şəhid Xatirəsi və Tədbirin Təsirli Anları
Tədbir Cənub Hazırlıq Mərkəzi tərəfindən təşkil olunub. Mərasim şəhidlərin əziz xatirəsinin bir dəqiqəlik sükutla yad edilməsi və Dövlət Himninin səsləndirilməsi ilə başlayıb. Sükut anında zalda yaşanan duyğu dolu atmosfer bu tədbirin nə qədər əhəmiyyətli olduğunu hər kəsə bir daha hiss etdirib.
Proqramda Prezidentin Zəfər Günü ilə bağlı çıxışı nümayiş etdirilib və bu, tədbirə əlavə ruh qatıb.a
Vətən müharibəsi şəhidi, mayor Aqşin İbadovun atası Nazim müəllim çıxış edərək şəhidimizin qəhrəmanlığını qürurla xatırladıb. Mərkəz tərəfindən şəhidin ev muzeyinə xüsusi xalça hədiyyə edilməsi tədbirin ən təsirli məqamlarından biri olub.
İstedada Dəstək: Qaliblərin Vurğulanması
Mükafatlandırma mərasimində 10 velosiped, 37 smart saat, 40 qulaqlıq, kitab dəstləri, köynəklər və digər hədiyyələr ümumilikdə 138 şagirdə təqdim olunub.
Xüsusi qeyd olunan yüksək nəticəli qaliblər:
ZÜMRÜ QAFARLI LERİK CƏNGƏMİRAN 2 700
ƏMİNƏ MƏNSİMZADƏ 10 SAYLI 2 700
RƏHMAN SƏMƏDZADƏ LERİK CƏNGƏMİRAN 2 700
GÜLSÜM CƏFƏRZADƏ 1 SAYLI 3 686
MUHƏMMƏD HÜSEYNOV 10 SAYLI 3 686
İBRAHİM BAYRAMZADƏ GİRDƏNİ 3 686
ƏBƏLFƏ HÜSEYNZADƏ GİRDƏN 3 686
NAZLI HÜSEYNOVA BOLADİ 1 SAYLI 4 700
ƏZİZAĞA NƏSİRZADƏ BOLADİ 1 SAYLI 4 700
AĞAKİŞİ ƏMİRƏLİYEV BOLADİ 1 SAYLI 4 700
Dodo” qəzetinin qeydi: Bu möhtəşəm məlumat bizə Boladı 1 Saylı məktəbin şagirdi Ağakişi Əmirəliyevin ailəsi ilə görüş zamanı bildirilib. Biz də bütün qalibləri – xüsusilə də qələbə sevincini yaşayan Ağakişi və digər şagirdləri ürəkdən təbrik edirik!
Müəllim Əməyinə Yüksək Qiymət
Uğurların qazanılmasında böyük pay sahibi olan müəllimlər də unudulmayıb. 20-dən çox ibtidai sinif müəllimi və yer tutan şagirdlərin müəllimləri Fəxri Fərmanla təltif olunub.
IV sinif şagirdi Ağakişi Əmirəliyevin müəllimi Vurğunə Bağırova və 12 məktəb direktoru da xüsusi hədiyyələrlə təltif edilib.
“Dodo” qəzetinin redaksiyası olaraq, Cənub Hazırlıq Mərkəzinin direktoru Taleh Mənsimov Bilal oğlu və rəhbərlik heyətinə təşəkkürümüzü bildiririk.
Uşaqları belə gözəl işlərə həvəsləndirmək, onların gələcəyinə stimul vermək və bu səviyyədə tədbir keçirmək — həqiqətən də təqdirəlayiq addımdır. Talış bölgəsində təhsilə göstərilən bu dəstək xüsusi olaraq qeyd olunmalıdır.
Hörmətli Taleh müəllim və komandanız, yolunuz açıq, uğurlarınız bol olsun!
İradə Məlikova
“Dodo” qəzetinin baş redaktoru