Əlolə dəvotəne,
Çiçon votə,votəne.
Dınyoədə həmməysə şin
İnəy iyən Vətəne!
***
Əlolə bə seyrone,
Har aşığı devrone.
Yom ənə reçine ki,
In mahol bəy heyrone.
***
Əlolə dıl şon-şone,
Maşki tukə nışone.
Əsqərə boylim omə-
Sinəş həmmə nişone.
***
Əlolə əv besone?
Çəy xıvand be hosone?
Boçi bəmı dard doydəş?
Conım məqər osone?
***
Əlolə dıl qəncine,
Bənə şişə xıncine.
Damə məkən, bəbəmeym,
Dıl çı yoku rıncine!
***
Əlolə marzı firsne,
Sovə balə mor tosne.
Conım bə cəzon ome-
Tınım bə poyə rosne.
***
Əlolə baləm xone,
Məydon əçe məydone!
Zərdastə ğəmə peşto-
Zor qıle pəhlivone!
***
Əlolə nom-nişone,
Şartukə hi nışone.
Ceyron çıvrəku nəşi!
De zılmi tojnişone!
***
Əlolə ali şone,
Nomışən Əlişone.
In dıli şair bıkə-
Həzrəti Əli şəne.
***
Əlolə merde,jene?
Iştə dardədə qıne!
Dıl heste, xun ətıkni!
Dıl heste, təmom xune!
***
Əlolə qone-qone,
Baləm lap pəhlivone.
Kəşədə nığə ğəmə,
Qılə şirə cıvone!
Bayrami Allahverdi
Masalli, Mahmudavar
