ZOƏ SUKUT, PIƏ SUKUT
Piyəmerdə dırozə Ğobədəli boştə kırtımə zoəro çe diy ən barzi-bılındə reçinə kinə vəyu vardedə. Roste, arədə kali ğeylu-ğalon bıboən, de tojə jenı-şuyə ivrədə jiyey, çand qılə zoə-kinə bəxşışon kardey bə dınyo bərobərbe, Ğobədəli mamu deştə vəyu fəxr əkəy, hakənə bəştə zoən piyarişi, əvoti:
– Kavuəçəş ( çəşış kavu beyro ıştə zoə jıqo vanq əkəy), jenədə bardə ha….
Zoə hiççi nəvoti, sukut əkəy. Ğobədəli mamu kə-bədə ve vaxt bə qədə əğlon, bəştə nəvon sə zikkə əjəni, əvoti:
– Vəse, hay-kuy məkən, bıdə çımı quşon tikəy aşiş bıbun.
İ şəv kırtımə zoə şəvi nimədə məsedə ki, lələ-nənə hıtə kədə elış-lıvış omedə, çe nənə noroziyə sədo omedə, kırtımə zoə ıştə lələ vanq kardedə- votedə:
– Vəseyəni, ha lələ, şəvi bı aləmədə hay-kuy məkənəni, bıdə tikəy əmənən rohət bıhıtəmonəni !
Dəyən həni Ğobədəli mamu sədo omedəni, əvən bəne ıştə zoə sukut kardedə.
MOĞNƏ
Merd çe kədə beşedə. Jen dumonpalu jəydə zikkə:
– Zə, bə kə oqardeədə 10-15 qılə moğnə bıstəniş ha!
– Bəstem.
– Zə, fik bıdəyş, hukməti moğnə nıbu ha!
– Çiç? Hukmətən moğnə noydə?!
Camal Lələzoə
Masalli, Ğızıləvo