(Yəşt 10. “Mihr-yəşt)
- Konqılə ki ıştə məskəni
Ofəyəşe Ahura Mazda.
Barz, bıloınd Konco.
Əv, tijətıkin, işığin,
Əyo toyki ni,
Əyo şəv ni,
Əyo larze ni,
Əyo sard ni,
Əy noxəşi ni –
Mard vardə,
Əyo bevəcə niyyətin ni –
Divonku bıə.
Əvon əşte əzınin
Bə kovırə bandi.
- 51. Əmardıni Mığəddəson –
In məskəni soxtışone
Dinədə navıvindeyro.
De həşi bərobər bıə
Mitra barz çı konco
Vindeydə cismoni dıyo.
52 . Əncəx viteydə eşydə Əv–
Şər ofəyə coni
İyən surətinə arabaədə
Tojniyedə aspon Mitra –
Çikiyki çimənqo qeşe.
De ğudrətinəö Sraoşa,
De Mocuzəynə Narya-Sanha
Kışteydə duyəvuji,
Həm de hərbi nizomi,
Həmən ibəi canqədə.
Dıvo kardeydəm az –
Xoşbəxtətiro…
XIII
- Ehtirom çəş kardeydəmon,
Əmə bə Mitra har zəmon…
Rost kardəşə dastonış
Rə-rə şikat kardeydə,
Ofəymon bə Ahura Mazda
Jıqo bəvote:
- «Həmmə ofəyəvonon
Mıjdəvon mınim,
Az-bə Mitra foyda doə.
Həmmə ofəyəvonon
Hıvosəvon mınim,
Az-bə Mitra foyda doə.
Əncəx insonon çımı nomi
Sədo əkənin de dıvo,
Ehtirom əknin bəmı.
Əvon dıvo kardə zəmon
Co nomon sədo bəka,
Co Xıdo sədo bəka.
- Kəynə ki insanon
Dıvo bıhandon,
De ehtiromi deçımı nomi.
Çoknə ki çı co Xıdo
Sədo kardeədə nomi
Dıvo kardeydən.
Həğiğətən, az
Əməli saleh bıə
Evoəym bə insanon tono,
Bə mıəyyən qılə mıddəti
De deştə nımardə jimoni.»
- Əncəx ıştı nomi
Sədo əkənin de dıvo,
Eçin iyən barzədə
Ayin icro kardeədə.
Sədo kardeydəm de dıvon
Tı, ha zuninə Mitra,
Ayin icro kardeədə
Sədo kardeydəm tıni az
57-59. Quş doəşe bəçəmə dıvo…
Dıvo kardeydəm az –
Xoşbəxtətiro…
Xanlar Həmid
Şair, dramaturq, azərboycon
ənıvışton ibemoni uzv
Tırkə zıvono peqordınişe
İradə Məlikova
