İyunun 17-də Azərbaycan Respublikasının Kiçik və Orta Biznesin İnkişafı Agentliyinin (KOBİA) təşkilatçılığı ilə respublikanın müxtəlif rayonlarında fəaliyyət göstərən istixana təsərrüfatlarının sahibkarları ilə növbəti onlayn görüş təşkil olunub. 

Dövlət-sahibkar dialoqu platforması çərçivəsində keçirilmiş onlayn görüşdə KOBİA-nın, “Azəriqaz” İstehsalat Birliyinin, “Azərişıq” ASC-nin, Kənd Təsərrüfatı Nazirliyinin tabeliyində Aqrar Kredit və İnkişaf Agentliyinin, Tarif (qiymət) Şurasının, “SOCAR petroleum” QSC-nin nümayəndələri, eləcə də 50-yə yaxın istixana təsərrüfatının sahibləri iştirak ediblər.

Görüşdə sahibkarların koronavirus (COVID-19) pandemiyası ilə bağlı məhsul satışı və ixracı ilə bağlı yaranmış çətinlikləri, istixana təsərrüfatlarına verilən qazın qiyməti, qaz sərfiyyatına görə yaranmış borclarla bağlı güzəştlərin edilməsi, mazutla təminat, müasir istixanaların idarə edilməsindəki çətinliklər, tərəvəz emalı müəssisəsinin yaradılması, elektrik şəbəkəsinə qoşulma və digər məsələlərlə bağlı müraciətləri dinlənilib, sualları cavablandırılıb. 

Onlayn görüş çərçivəsində sahibkarlar tərəfindən qaldırılan bir sıra məsələlərə müvafiq qurumların nümayəndələri tərəfindən yerində operativ reaksiya verilib, araşdırma tələb edən məsələlərin isə araşdırılaraq KOBİA-nın KOB dostları vasitəsilə sahibkarların məlumatlandırılacağı bildirilib. 

Görüşdə sahibkarlar tərəfindən qaldırılan bütün məsələlər KOBİA tərəfindən diqqətdə saxlanılacaq və qanunvericilik çərçivəsində həllinə dəstək göstərilməsi üçün müvafiq qurumlarla birgə tədbirlər görüləcək. 

By admin

Azerbaijani AZ Turkish TR English EN Russian RU Georgian KA Persian FA German DE Italian IT French FR Arabic AR Chinese (Simplified) ZH-CN Korean KO