v Çaxtə kaşteydəmon, çəy dıjdon şeydən, hırdə qılon boəmə mandeydən.
v Çaxu bınə, pəni bıbır.
v Çampo – bırəs bə hampo.
v Çandən ve
y dardı bıbu, ğonəği tono məvot.
v Çanə otəş bıboş, ıştəni bəsuteş.
v Çanə sıği qon peqətoş, ıştə lınqisə ebəkuyeş.
v Çanədə de xəymandə odəmi əyşt-nışt bıkoş, ənədə xəy
bəvindeş.
v Çanqəy tul iyən qıləy siyo qezı deşmeni çəşi ku bəka.
v Çay çı vəşyənə sori horolləye.
v Çe arşiyə xoli jiyo beşeydəni.
v Çe astəku bə şıkırə mandə.
vÇe bızi dum hejo bə həvoye, pəsi dum i kərə bə həvo be,
bızi votışe: Əfhaya, çiyəy.
v Çe co kəsi ğıybəti kardeədə ıştə sixani bıməs.
v Çe dınyo bıne.
v Çe kıtı dard sıpə bəkışte.
v Çe morə şir kıtıey.
v Çe mori çəşədə beşə.
v Çe vonə bandiey.
v Çə honi ov bənə kafte kəşiye.
v Çə yazıği çiçış hestbe, nahardışe, marde?
v Çəxu nışone, bırnişone pəni. (Çəxuşon noy, pənişon
bırniye.)
v Çəke bə lırd bənışte.
v Çəlisi çəş çımi-çəy dastisə bəbe.
v Çəmə kaşte bəçəmə zəhməti qıneydəni.
v Çəmə kaşte çəmə zəhməti vey kardeydəni.
v Çəmə ko-sənəte de darzəni ğəb kandey.
v Çəmə kosibəti de darzəni ğəb kandeye.
v Çəmə ovand fırsə.
v Çəmə sə de hırsi bə quşə bə.
v Çənə zəmini dimisəy, ənən jiyədəy.
v Çəpə-hamsiyə deştı arədə pardəy.
v Çəpil bərk bəje.
v Çəpili hal sərost əqınni.
v Çəş bəştə piyəkəsi diyə bəka.
v Çəş bo diyə kardeye.
v Çəş çiyə kinə miyon boyk, qiyış dıroz.
v Çəş dıli ovəynəye.