Әзизә Ирадә додо! Дылым дә сыханоннә, орзүннә пүре. Шымәни дә “Додо” ғәзети 3-сорнә дыликү тәбрик кардәм! Шымә ым ғәзет бәмыно ве әзизе, чәј горә ки аз ғәзети иминҹи нумрәнкү һандедәм. Ым ве марағин тәсадүфе ки, шымә ғәзети јубилеј дә Мәтбуат рүжинә бә и рүж егынјә. “Додо” ғәзети Азәрбајҹан мәтбуати ве зәнҝинә нүмунәје, мултикултурализм тәблиғ кардә ғәзетонко гыләје. Шымә ғәзет, жоғо бызын, бә һәммә Азәрбајҹани толошон дыли тат кардә һәши пегардә, ғәзет толошә зывони вә мәдәнијјәти садә формәдә тәблиғат барденә, һәм бә һандәкәсон хәјли марағинә мә’лумат тәғдим кардә. Ирадә додо! Шымә ғәзети сесорнә мүбарәке! Әввәликү аз педәме, бәшмәно тәшәккүр быкәм ки, жәғо јолә ко бә һәјат дәгордындәјон. Пешо, аз бәшмәно сәнәтәдә ве уғурон, мүвәффәгијатон, илһом, вә ән әсаси сәбр орзү кардәм. Чы чәтинлик быбүсә, һәммәкү һостон-һостони дәвардыјон! Хыдо вотәјбү, “Додо” ғәзети 10-сорнә ән жәғо ғејд быкәмон! Ве сәғ быбәнә!
Украјна, Донетск вилајәти, Мариупол шәһәри