Skip to content
Ğarzı səy, vaxtədə bıdə.- Ğarzisə bevəcə çiy ni.
- Ğarzxo çı ğarzxo xəşiş bəpiye.
- Ğəb əkand ıştən beğəb bəmande.
- Ğəcı votışe: Siyo lo nəbəy çımı day, az kırə bə osmon peyəkırnim.
- Ğədərış i vıjəye, bəçəy hıqqə diyə bikə.
- Ğələ bəpe merd bınə.
- Ğələ nav bə kovrə bışu, dumoşən jəqo bəşe.
- Ğələ şe lanqə pəs mande.
- Ğələm şat-şur bəşe, rosti bənvışte.
- Ğərəboğ bə dumo onıqardecən nə az yolə Tolış nim, nəən tı yolə Tırk niş.
- Ğəribə odəmo el əbıni.
- Ğəribə vırəo Vətən nibəbe.
- Ğəribi qiy dıroz bəbe, zıvonış kırt.
- Ğəroldari dıli evə, rosti botı du bıkə, duy botı rost bıkə.
- Ğəssobi sıpəy.
- Ğətı asp əbıni, əncəx çı həysə zumande.
- Ğətı ıştə pıə bəqəm əkəni: az bəke, əv bəke?
- Ğətı ıştə pıə nomi əqətni.
- Ğətıku parsəyn: Iştı pıə kiye? Votışe: Aspi hovəzo.
- Ğəysi eqın, latəş beqın.
- Ğəzən peşo, ıştə qırdo ebəme.
- Ğəzən vey tınd bıbo, ıştə otəşi obəkışte.
- Ğəzən voteydə: Bınım ğızıle. Çamçə voteydə: Esə nəvəym, oməym ha.
- Ğıbon bışum bə hampo, mınış haşte bəsə po.
- Ğıbon ğəzo-ğədo navi bəste.
- Ğıbonə xunisə voş bəvoye.
- Ğırbonı pəs bıbu.
- Ğıryətinə jeni ləçəq beğıryətə merdi kılosə ğıymətine.
- Ğıryətinə jen beğıryətə merdisə çoke.
