Bəmı fırsət bıdə bırəsım bətı,
Şodəm ıştə çəşi – dimi həsrəti.
Bəştı eşğ i kərən mıbtolo bıbum,
Tınən rozi bıbu deştə ğısməti.
Bəmı fırsət bıdə, bə yod eğandım,
Ə reçinə rujon, ə xəşə rujon.
İ kərən deyəndı,boy, bıjiyəmon
Umıri çı yodo benışə rujon..
Bəmı fırsət bıdə, botı dıl biyəm,
Botı həzo şeir nıvışte bızni,
Sıvo tı mıni ki deştə həsrəti
Eşği otəşədə əbışte əzni?!
Bəmı fırsət bıdə, tıni çəş bıkəm…
Tıni dəro bıkəm bəştə xəyolon …
Bəmı fırsət bıdə, bəştı sə çəvom ,
Mıni coyli oqət deştə xəyolon…
Bəhram Şəms