Zərfəton bo məseye, ha hoştə.
Pand bo həddi rəseye, ha hoştə.
Im bətı ki omutə, ha hoştə,
Doy nıvə xol həsıye?, ha hoştə.
*****
Çənə nığıl zənd bəbeş, ha hoştə,
Ve şin bıbuş, ğənd bəbeş, ha hoştə.
Hələ şedəş ve peyo, ha hoştə,
Tınən ruji bənd bəbeş, ha hoştə.
*****
Iştəsə sape məbi, ha hoştə,
Nozən i təpe, məbi, ha hoştə.
Həsı ve qəp bəvote, ha hoştə,
Bəy ənə pape məbi, ha hoştə.
*****
Forsi ve peşə məkə, ha hoştə,
Dıvəy ve bəşə məkə, ha hoştə.
Veye həvur bo yari, ha hoştə,
Çəməku həşə məkə, ha hoştə.
*****
Hiç burs məqət bımisə, ha hoştə,
Çəmı veye çəmisə, ha hoştə.
Busə bə niyon bə ha, ha hoştə,
Rizış mandə dimisə, ha hoştə.
*****
Dıl rəmə çəp səğandi, ha hoştə,
Bəy dəğdəğə dəğandi, ha hoştə.
Tanbe bəbe de nozi, ha hoştə,
Bo pencə reğ əğandi, ha hoştə.
*****
Dasto əqard şonəye, ha hoştə,
Randə zılf i tonəye, ha hoştə.
Pəvuş bo yari vinde, ha hoştə,
Honi qıləy vonəye, ha hoştə.
*****
Həmro bəbem bahari, ha hoştə,
Seyron bəkam Rudbari, ha hoştə.
Ğıbon bəşem mı bə zoə, ha hoştə,
Əyvo əkəni yari, ha hoştə.
*****
Anqışte çəş ləxdəbe, ha hoştə,
Nəznəm komco rəftə be, ha hoştə.
Yariku xəbə oməy, ha hoştə,
Dılım tikəy toxtə be, ha hoştə.
*****
Nə soyəm az, nə tındim, ha hoştə,
Həməysə şəx, bılındim, ha hoştə.
Bıyəm pəvandi ıme, ha hoştə,
Qırdə sıvvət, xolin dim, ha hoştə.
Baladdin Veşo
Lik, Andurma
