(Dodo” qəzetinin redaksiyasından)
Beş ildir bir məzar susur. Başdaşı yoxdur. Çünki yer düzgün müəyyən edilməyib, amma orada Vətənə xidmət etmiş bir zabit — hərbi həkim, Tibb xidməti rəisi baş leytenant Şəhid Dr.Rəşid Babayev uyuyur.
Beş ildir ailə bu haqsızlığın düzələcəyinə ümid edir. Beş ildir məktublar yazılır — Prezidentə, vitse-prezidentə, nazirliklərə, prokurorluqlara, Ombudsmana…
Beş ildir qapılar döyülür, cavablar gəlir, amma ədalət gəlmir.
Onlar daha nə etmədilər?
Yazdılar, gözlədilər, sükuta dözdülər. Bəs daha kimə, hara müraciət etsinlər?..
Bir ana, bir ata daha necə səslənsin ki, bu səs eşidilsin?
12 noyabr 2025-ci il saat 12:00-da ilahiyyatçı Hacı Şahinin dəfn olunduğu qəbiristanlıqda Şəhid Dr.Rəşid Babayev ziyarət olunacaq.
Valideynlərin istəyi tək bir şeydir —
oğulları layiq olduğu Şəhidlər xiyabanında dəfn olunsun və rahat yatsın.
Bu yazı nə səs-küy üçün, nə də gündəm üçün yazılıb.
Bu, bir ailənin 5 ildir çəkdiyi ağrının səssiz fəryadıdır və biz bu səsi çatdırmaqla bir borcu yerinə yetiririk —
çünki susmaq artıq günahdır.
Redaksiyadan:
“Dodo” qəzeti Şəhid Dr.Rəşid Babayevin məzar məsələsini və ailəsinin uzun illərdir cavabsız qalan müraciətlərini izləməyə davam edir.
Biz inanırıq ki, ədalətin səsi bir gün bu sükutu qıracaq.
Redaksiyadan:
“Dodo” qəzeti Rəşid Babayevin məzar məsələsini və ailəsinin uzun illərdir
cavabsız qalan müraciətlərini izləməyə davam edir.
Biz inanırıq ki, ədalətin səsi bir gün bu sükutu qıracaq.