İsraildə ölümcül COVID-19 virusunun ikinci dalğası başlayır.
“Walla” agentliyi xəbər verir ki, bu barədə SAXAL-ın (İsrailin Müdafiə Ordusu – red.) yaydığı hesabatda qeyd olunub.
“İsrail hazırda koronavirusun ikinci dalğasına daxil olur”, – deyə hesabatda yazılıb.
İsrail ordusunun yaydığı açıqlamada bildirilir ki, vəziyyət qətiyyətli və təxirəsalınmaz tədbirlər görməyi tələb edir.
Qeyd edək ki, İsraildə koronavirusa yoluxanların ümumi sayı 20 339 nəfərə, virusdan ölənlərin sayı isə 304 nəfərə çatıb.
