Əlolə Dıreğədə,
Vıl dənıştdə şeğədə.
Bılbıli sədə niəşe
Vılə savdı boğədə.
***
Əlolə bəd nəzədə,
Mıv bənəve məzədə.
Bəmınən ğısmət bəbe-
Yo perosnə xavzədə.
***
Əlolə bılbıl handə,
Vıl ıştəni oşandə.
Vılə çanqə çəy səpe,
Yo soğətış vığandə.
***
Əlolə lo qətedə,
Çımı coni sutedə.
Nozə yo rıkış kardə-
Çımıku co hıtedə.
***
Əlolə ruj dəvardə,
Dılım bə xun oqardə.
Hiç zındənim ki boçi
Yo çıməku rık kardə?
***
Əlolə dardi mədə,
Bə azizmardi mədə.
Sə obır merdi roədə,
Sırr bə nomerdi mədə.
***
Əlolə biə dəbiədə,
Kijə bə dom dəbedə.
İ çəşım sıst bedəbu,
İ çəş kəybədə bedə.
***
Əlolə nıştiş sədə,
Nimon bı həvəsədə.
“Dınyo çımı” bıvoti-
Omeym telə-yasədə.
***
Əlolə mıni kıştdə,
Dıənış çımı sənıştdə.
Çəşonı xun vitedə,
Mijon bə dıl enıştdə.
***
Əlolə ğəm kəşedə,
Dıl-çiqə səm vəşedə.
Eşği boğım perosne,
Miyvəş co kəs çəşedə.
***
Əlolə qədə bedə,
Moy bə domi dəbedə.
Yom peşe bə dardi band,
Mınış eğande bə də.
Bayrami Allahverdi
Masalli, Mahmudavar
