VƏTƏN TORPAĞI
Nə gözəl ətri şəhadətdi, vətən torpağı
Basıb öz bağrına, qan içrə çəmən torpağı
Qara günüm Qarabağ, indi bəyazlar geymiş
Çıxarar ağ günə, bəlkəm bu kəfən torpağı
Qədəmi nuri’ müqəddəs ananın rizvanə
Tutur İslami Rəsul, ol kəsə tən torpağı
Bu vəqur ahi hərarətli edən, vallahi
Gömülən hər şühəda paki bədən torpağı
Qarabağ, cümlə vüsalın, yayılır hər yanə
Şükür olsun alırıq pari-pərən torpağı
Bir ümidgahi şəfaətdir, Hüseynin qəbri,
Lütfi Elməddinə qıl, Rai həmən torpaği
KÖLGƏLƏR
Gözündə hicr edən yaşı,közümdə kölgələr salıb,
Baxışların qədəm-qədəm,izimdə kölgələr salıb.
Qəm heybəti sətir-sətir,şeirlərimdə gizlidi,
Sənə həvalə etdiyim,sözümdə kölgələr salıb.
Əsərkən ayrılıq mehi,kədər tozu yanağlara,
Yığıldı qaldı dağ kimi,üzümdə kölgələr salıb.
Xəyalın anba’an ötən,buludların misalidi,
Günəş simanı seyr edən,gözümdə kölgələr salıb.
Sən Elməddinə et nəsib,namaz həqiqətin görüm,
Vicudi cismə səcdələr,dizimdə kölgələr salıb.