Əlolə tarmar bıkə,
Xıdo yadi xar bıkə!
Tarsedəm çəşə arsım
Kəşə vıli tar bıkə!
***
Əlolə Xıdo nokə,
Avəy,əbıni pokə.
Hiçki zu əvışkini-
Tıni çımıku cokə!
***
Əlolə çolə, çolə,
Ro bəbe qolə-qolə.
Nənə peşə do, balə
Bənəve xolə-xolə!
***
Əlolə do qıjələ,
Doysə nıştə kəjələ.
Kinə bə bəlo qınye,
Zoə noməy bə əcələ.
***
Əlolə şəkə qılə,
Kinon sof rukə qılə!
Səy bıdə,sırri mədə,
Bə dusti çokə qılə!
***
Əlolə xan əlolə,
Sıxan bıvot bərmolə,
Nomerdi sərboğədə
Nə vıl bemə, nə lalə!
***
Əlolə İlhom omə,
Bınışt bınıvışt nomə.
Kədə se hovə heste-
Bə qıləy çəşım damə.
Əlolə dəvoşt omə,
Yurdi ço okuşt omə,
Bə rujne kardə koon
Bə şəv bınıvışt omə.
***
Əlolə sərfe boəmə,
Ruəsədə ov pandomə.
Kulmə-sol ləjən bəbe-
Bə çımı dıli damə!
***
Əlolə çəş pandomə,
Xəve çəşi qandımə.
Bə ico nəvə kinon
Qıləyni çəşım damə.
***
Əlolə kəşbəndi mə,
Bə lefi bıkəş dimə.
Yom i kərə bıvindo-
Syo bəbe həşi dimə!
Bayrami Allahverdi
Masalli, Mahmudavar
