Əlolə handə doysə,
Syo çoxom bəsə poysə,
Çı yo ome bızınım-
Bəşem bəmandem roysə!
***
Əlolə jen-kinəsə,
Çok əbıni nənəsə.
Çı yoku omə nomə
Bənom ıştə sinəsə.
***
Əlolə çı sə-bə sə,
Kinon mandən səbəsə.
Çətin deşmen dust bıbu,
Lovə bıkoş sabəsa!
***
Əlolə beşi bə sə,
Məmand bəsə kəybəsə.
Hun ome, xısusış se,
Dardon zyod bin i bə sa!
***
Əlolə bəsə çiysə?
Dave be bə çoçiysə!
Yo bəvıjnen de çəşi,
İnə bəbe çəşiysə!
***
Əlolə merdi kəy şə,
In şikil merdi kəşə.
Nomerd tıni bəhvate-
Dəvit bə merdi kəşə.
***
Əlolə vıl bə kəşə,
Zoəm bə çordə sinn dəşə.
Hamədə ləlqıl bemə,
Vişonədə vənəşə.
***
Əlolə dast bə kəşə,
Həxi məjən bə həşə.
Çımıku rık kardə yo,
Yali bıhıt jıqoşə.
***
Əlolə çı doy putə,
Va voydə mutə-mutə.
Yo bəştə yo rəseədə,
Rəğib mıncır bıə, sutə.
***
Əlolə han bə latə,
Nənə bıdə bə hıtə.
Enəm, tıni maç bıkəm,
Sı dəvəşə ranq vitə.
***
Əlolə dardon dıvə,
Arsı voş be, dardı voə.
Çımı lınqon bıbıron-
Bəfirsem bə merdi və.
Bayrami Allahverdi
Masalli, Mahmudavar
