QƏLSTUKİ HURMƏT
İman nomədə qıləy şəxs vindedə ki, qıləy usto bəştə qiy qəlstuk dənoəşe, odəmon arədə şəytonəti kardedə, əvoni bəyəndı jəydə. Iştə dimi qətedə bə odəmi, İman votedə:
– Tınə Xıdo, usto, ya çe şəytonətiku dast peqət, yaən ə qəlstuki ıştə qiyədə bekə, ə qəlstuki çe hurməti emağand.
DUSTƏTİ ƏLOMƏT
Rəhmətşə Rəhim Tağıyev (hışkədəvoj) qıləy iclasədə Masalli de Səlyoni cəmati arədə bıə dustəti həxədə sıxan kardeədə sehbəti qıləy vırədə votedə:
– Çəmə cəmat bə səlyonıjon hejo nez bıən, çokə hamsiyə bıən. Bə dərəcədə nez bıən, hətto de ərki bəvon oğrəşə səlyonıj votəşone.
Vindədə ki, odəmon bı sıxani sıredən, Rəhim muəllim əlovə kardedə:
– Xayş kardedəm, çımı sıxani bevəcə mənoədə dəmərəsən, az çokə mənoədə votedəm…
JIQO BIZIN, IŞTƏ PIƏ KƏDƏ VARDƏŞE
Daykinə Nərminə bə şu tojə şə vaxtonədə çoknə bedə ıştə şuyə dəçəy ıştən nomi vanq kardedə :
– Namaz, ha Namaza !
Namaz bəy sədo doydə. In xitobi (ovardi) məsə rəhmətşə Şəmsi ( çe zoə moə ) ıştən bəştə votedə :
– Zolımi kinə jıqo “ha Namaz” vanq kardedə, jıqo bızın, ıştə pıə kədə vardəşe …
Iştə həsi ın sıxanon məsə vəyu çə rujnəku ıştə həmro dəçəy nomi vanq kardedəni.